************************
شیمی راه تنگ و تاریکه؟ قبوله
آلوخ کیجکایه-نزدیکه؟ قبوله
اگرپور زور-یی سه دشبنده-سمبه
اونه تیر مشقی و پوکه قبوله!
************************
آمان لازیم داریم -چند تا دساگول
چی از حاجي رجب چي ازکاساگول
کی با داس برجینیم شالان لنگا-
-آمی مرغ وخروسانه بزه گول !
************************
کشیم سمبه -آمی کهنه تفنگا
گمان نوکونه كفتالم زرنگا-
عی سیم نواده میرزا کوچیک خان
-آمی جنگل باغان-پور از پلنگا
*********************
ببیم آتش دكفيم توی پنبه
نوکونیم- امروزا-شنبه -دوشنبه
درنگه جا نیه- دونه چومانه
بنيم نيم ايزگيري لنگه بلنگه؟
