دوبیتی های بهاری

بهاربامو بهار لاله پرور

بنا سرخه کولایا-غنچه خوسر

بی دین باغ و بولاغ و جنگل و دشت

بوبوسته ازبهشت جا-بیاختر

===========

زنه آتش درون سینه -وٌل وٌل

فارسه جان به لب منزل به منزل

نوبو امروز وفردا-سهم من–غم!

خدا-دانه-می قسمت بو–ازاول

============

دع بعدازتو مره—خنده حرامه

ولی غم همدم وغصه غلامه

شب و روز جانه ارجان جانه مارجان

بوروش واروش -می ورد کلامه

============

عی تاداهان هزار تا خنده داشتیم

دماغ چاق و دیله زنده داشتیم

بوبوام کو کو تی تی –ازداغ دنیا

عجب شرماشری آینده داشتیم

=============

مرا مار سیاه بهتر آیه خوش

ازاون ظاهر فریبه- مردنی موش

بیرون انسانه وداخل اژدهایه

بب غافل–وابینه سرگوشاگوش

=============