ویریسید
ویریسید گیله مردان ازدحامه
شاهال دور وبر باغه کتامه
عی لنگی پادشاه وقته -بجنبید
بنام نه؟گب نیه—-بازی تمامه
************************
شیمی راه تنگ و تاریکه؟ قبوله
آلوخ کیجکایه-نزدیکه؟ قبوله
اگرپور زور-یی سه دشبنده-سمبه
اونه تیر مشقی و پوکه قبوله!
************************
آمان لازیم داریم -چند تا دساگول
چی از حاجی رجب چی ازکاساگول
کی با داس برجینیم شالان لنگا-
-آمی مرغ وخروسانه بزه گول !
************************
کشیم سمبه -آمی کهنه تفنگا
گمان نوکونه کفتالم زرنگا-
عی سیم نواده میرزا کوچیک خان
-آمی جنگل باغان-پور از پلنگا
*********************
ببیم آتش دکفیم توی پنبه
نوکونیم- امروزا-شنبه -دوشنبه
درنگه جا نیه- دونه چومانه
بنیم نیم ایزگیری لنگه بلنگه؟
