مرگ آقاجان
صبحدم بو هوا-ابری وعبوس
بالا کلده ا-اوچابو-خوان خروس
چهچه بولبولو-قارقار-کلاغ
بشکنابو-سکوته سنگینه باغ
تازه ازدریا-نیل پر بزابو
آسمان کالاچ مالاچی-بوبا بو
شب تاریک خو بساطا اوچابو
جاجیگایا-به سپیده فادابو
سپیده منتظر افتاب بو
آفتابم درپس ابران خواب بو
ابر فرصت نوکودابو–بباره
طاقتم ناشتی خو بارا–بداره
خانا–تا چاشپره-شوروم بزابو
صحرا تان-خیمه یه–ماتم بزابو
فلک سینه پرازاندو-بو
غم عالم-اونه-دوش -چون کو-بو
رعد وبرقی- زه عی-درعمق می دیل
کودیمی نالا-بصد زار وذبیل
فارسه جان بلب می جانان
کراازدست شویی می اقاجان
ناخبره–جانه پدر-سیحه -بوکود
آمی دیل-غصه یه-دنیایا دوکود
پدرازدرد- دع-ناله نوکوده
طلب نان وپیاله نوکوده
نه کولا-خواسته-نه شلوار-نه قبا
دع -نوخورده-تکانم-ازخوجیگا
من زفریاد برارو-خاخوران
بفهمستام-کی بمردا–آقاجان
بوشو-ازدست خدایا-امی پیر
بوخوسه-تابقامت گیله جیر
بوشو ازدست بوبوستا-راحت
هیسه ای جانه پسر تی نوبت
**************
تاهسا-من اونا-ارام نیدابوم
ندهه-هیچ کاری انجام–نیدابوم
وابرازه بیلا-به دیوار–هرگز
اونه کاول–ببه بیکار–هرگز
تا-هسا-هیچکی-نیدابو-اقاجان
بوخوسه–تا بایه-افتاب صحرا تان
حتی اون روز -کی هوا-باران بو
اونه-سر گرمه کج ونوغان بو
صوب وسرما-زمستان وایاز
پاپروسا-تاچه زه عی–وقته نماز
شخم زدن تا هرسه باغه–چایی
خوک فرانی -۰زبیجار–خانه پایی؟!
۹نه- تا-زاکه-شکما-سیراکودان
خورا با—جاندخی-درگیرا-کودان
مرد ونامردا-وجا-دولا بوعان
با یتیمی وستم -پیلا بوعان
بی دی نه–پنبه دانه یا–درخواب
بوخوره–تازیانه ازارباب
هاتو کم کم فارسه تاهشتاد
قورقوشم–جان اونه شین-چون فولاد
اشکه- فرزندا -نتانه–بی دی نه
حتی اون روز-کی-خو چشما-فوچینه؟!
حالا-روقبله– هاچین چنگرا بو
نفسه گرم اونه شین تنگرا به
************************
نتانیم چارتا براران بوردان
آقاجانه جسدا-قبرستان
عا-پا-اوپا-کرا تابوتا-بوریم
خلقه-امرا-کرا تابوتا-بوریم
کوها–بوردان نتانیم-مگه کمه
عینه-هون-پیلدانه بقعا-علمه
گیل خو ابادیا-به اون مدیونه
دارو چوب-ازاقاجان ممنونه
قلا روخان-اونه-پیشانی عرق
اون چی بو-تاریخه–پلدانه ورق
کرا شالی جسده-دولا بوهه
لاته چو–سر گوله-باقلا-وابوهه
خالو-داران کی کوچی تر-جه اوند
اونه تابوته–شکوفه فوکوند
پیش ودونبال فارسیم قبرستان
اونه کول-خوفته-هزار تا اقاجان
مرده گان دوکه- خوراد ازمرده
اونره جا-واکوند-یک خورده
هیچکسی مردانه-خندا-نیدی نه
خودشه-قبره–نکندا-نی دینه
مرده سر بیله مرا–فوبوهه-خاک
خلوتی-هرکه خوره زنه-به چاک
خانه شیم هرکی بفکر خودشه
بعدازاین کی امی جورا-بکشه
تاسیانه-زاکانره-خانه
بخدا دنیا مره-تاسیانه
گوما-بوسته گیله جیر-می الماس
نوکونم-دع پسری یا-احساس
بعدازین تکیه به کی دوش بزنیم
بی علم چوتو-تانیم جوش بزنیم
